ଧର୍ମଗଡ (ସତ୍ୟଯୁଗ ମିଡିଆ ଏକ ନୂଆଁ ଦିଗନ୍ତ ନ୍ୟାୟ ଓ ସତ୍ୟ ପାଇଁ) ରାକ୍ଷୀପୂର୍ଣ୍ଣିମାର ପବିତ୍ର ପର୍ବ ଭାଇ-ଭଉଣୀର ନିବିଡ଼ ସମ୍ପର୍କର ପ୍ରତୀକ ଭାବେ ଯୁଗ ଯୁଗ ଧରି ପାଳନ ହୋଇ ଆସୁଛି। ଏହି ଅବସରରେ ଧର୍ମଗଡ ସହରରୁ ଆରମ୍ଭ କରି ପୁରପଲ୍ଲୀ ପର୍ଯ୍ୟନ୍ତ ଉତ୍ସବର ମାହୋଲ ଦେଖିବାକୁ ମିଳିଛି। ତେବେ ଏହି ପର୍ବରେ ଜଣେ କୁନି ଝିଅ ପ୍ରୀତି ଅଗ୍ରୱାଲଙ୍କର ଅଭିନବ ପ୍ରୟାସ ସମସ୍ତଙ୍କ ମନ ଜିଣିଛି। ବରିଷ୍ଠ ସମାଜସେବୀ ଶ୍ୟାମ ସୁନ୍ଦର ଅଗ୍ରୱାଲଙ୍କ ଝିଅ ପ୍ରୀତି ଅଗ୍ରୱାଲ, ମାତ୍ର ୯ ବର୍ଷ ବୟସରେ, ନିଜର ମହାନ କାର୍ଯ୍ୟ ଜରିଆରେ ସମାଜରେ ଏକ ଅନୁପମ ଉଦାହରଣ ସୃଷ୍ଟି କରିଛନ୍ତି। ଦେଶସେବାରେ ନିୟୋଜିତ ଯବାନ ଓ ପୋଲିସ କର୍ମଚାରୀମାନେ, ଯେଉଁମାନେ ନିଜ କର୍ମଭୂମି ଯୋଗୁଁ ରାକ୍ଷୀପୂର୍ଣ୍ଣିମାରେ ନିଜ ଭଉଣୀ ପାଖକୁ ଯାଇ ରାକ୍ଷୀ ବାନ୍ଧି ପାରୁନାହାନ୍ତି, ସେମାନଙ୍କୁ ସେନେହର ବନ୍ଧନରେ ବାନ୍ଧିବା ପାଇଁ ପ୍ରୀତି ଏକ ଅନନ୍ୟ ଉଦ୍ୟମ ଆରମ୍ଭ କରିଛନ୍ତି। ସେ ଗୋଲାମୁଣ୍ଡା ଅଗ୍ନିଶମ ବିଭାଗ ଓ ଥାନାର କର୍ମଚାରୀମାନଙ୍କୁ ରାକ୍ଷୀ ବାନ୍ଧି ସେମାନଙ୍କୁ ଉତ୍ସାହିତ କରିଛନ୍ତି। ଏହା ସହିତ ନବଜୀବନ ଆଶ୍ରମରେ ରହୁଥିବା ଶିଶୁମାନଙ୍କୁ ମଧ୍ୟ ରାକ୍ଷୀ ବାନ୍ଧି ସେନେହର ବାର୍ତ୍ତା ଦେଇଛନ୍ତି। ଏହା ସହିତ, “ଗୋଟିଏ ଗଛ ମାଁ ପାଇଁ” ସ୍ଲୋଗାନରେ ପ୍ରେରିତ ହୋଇ ପ୍ରୀତି ଗୋଲାମୁଣ୍ଡା ବ୍ଲକ ଅଗ୍ନିଶମ ବିଭାଗ କାର୍ଯ୍ୟାଳୟ ଓ ପୁରୁଣା ଥାନା ପ୍ରାଙ୍ଗଣରେ ଅଧିକାରୀ ଓ ଶିଶୁମାନଙ୍କ ସହ ମିଶି ଚାରା ରୋପଣ କରି ପ୍ରକୃତି ପ୍ରେମର ଏକ ଅନୁପମ ବାର୍ତ୍ତା ଦେଇଛନ୍ତି। କରୋନା ମହାମାରୀ ସମୟରେ, ଯେତେବେଳେ ମଣିଷ ଏକଆନ୍ତରେ ରହିବାକୁ ଭୟ କରୁଥିଲେ, ସେହି ସମୟରେ ମଧ୍ୟ ପ୍ରୀତି ନିଜର ସେନେହର ସୂତ୍ର ବାନ୍ଧି ସମାଜକୁ ଉତ୍ସାହିତ କରୁଥିଲେ। ମାତ୍ର ୯ ବର୍ଷର ଏହି କୁନି ଝିଅର ମାନବପ୍ରେମ, ପ୍ରକୃତି ପ୍ରତି ଦାୟିତ୍ୱ ଓ ଉଦାରତା ସମସ୍ତଙ୍କ ପାଇଁ ଏକ ପ୍ରେରଣା। ତାଙ୍କର ଏହି କାର୍ଯ୍ୟ ଆଜିର ଦୁନିଆର ବଡ଼ ବଡ଼ିଆଙ୍କୁ ଏକ ଶିକ୍ଷା ଦେଇଛି – ପରୋପକାରରେ ମିଳୁଥିବା ଆତ୍ମତୃପ୍ତି କୌଣସି ଉପାଧି, ପଦ କିମ୍ବା ଧନ ସହ ତୁଳନା କରାଯାଇ ପାରିବ ନାହିଁ। ପ୍ରୀତିଙ୍କର ଏହି ଅଭିନବ ପ୍ରୟାସ କାଳହାଣ୍ଡି ଜିଲ୍ଲାରେ ଏକ ନୂଆ ଆଲୋକ ସୃଷ୍ଟି କରିଛି। ତାଙ୍କ ଏହି କାର୍ଯ୍ୟ ଆଗାମୀ ଦିନରେ ମାଟି ଓ ଜାତି ପାଇଁ ଗୌରବ ଆଣିବ ବୋଲି ସମସ୍ତେ ଆଶା ରଖିଛନ୍ତି। ଏଭଳି ମାନବବାଦୀ ଓ ପ୍ରକୃତିପ୍ରେମୀ ଝିଅ ସମାଜ ପାଇଁ ଏକ ପ୍ରେରଣାସ୍ତମ୍ଭ ହେବେ ବୋଲି ଅଞ୍ଚଳବାସୀ ମାନେ ମତ ଦେଇଛନ୍ତି।
ଧର୍ମଗଡ଼ରୁ ଭରତ ଦାସଙ୍କ ରିପୋର୍ଟ ସତ୍ୟଯୁଗ ମିଡିଆ
About the Author
13 thoughts on “ପ୍ରୀତି ଅଗ୍ରୱାଲଙ୍କର ଅଭିନବ ପ୍ରୟାସ – ରାକ୍ଷୀପୂର୍ଣ୍ଣିମାରେ ସେନେହ ଓ ପ୍ରକୃତି ପ୍ରେମର ଅନୁପମ ଉଦାହରଣ”
Comments are closed.