ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ସମୂହ ଛୁଟିରେ ଉପଖଣ୍ଡ ର ସମସ୍ତ କିରାଣୀ ଅଫିସ କାର୍ଯ୍ୟ ବାଧାପ୍ରାପ୍ତ ଖାଲି ପଡିଛି ଅଫିସ ଚୌକି

ଧର୍ମଗଡ଼ (ସତ୍ୟଯୁଗ ମିଡ଼ିଆ ଏକ ନୂଆଁ ଦିଗନ୍ତ ନ୍ୟାୟ ଓ ସତ୍ୟ ପାଇଁ) ବିଭିନ୍ନ ଦାବୀ ନେଇ ସମୂହ ଛୁଟି ନେଇ ଆନ୍ଦୋଳନ କୁ ଓଲ୍ହାଇଛନ୍ତି ରାଜ୍ୟ ଅମଲା ସଙ୍ଘ। ଦାବୀ ପୂରଣ ନେଇ ପୂର୍ବରୁ ଅନେକ ଥର ସରକାରଙ୍କୁ ଦାବୀ କରିଥିଲେ ମଧ୍ୟ କୌଣସି ସୁଫଳ ନ ହେବାରୁ ସୋମବାର ଠାରୁ କଳାହାଣ୍ଡି ଜିଲ୍ଲା ର ସମସ୍ତ ଅମଲା ମାନେ ଆନ୍ଦୋଳନ କୁ ଓଲ୍ହାଇଛନ୍ତି। ଏହି ପରିପ୍ରେକ୍ଷୀରେ ମଙ୍ଗଳବାର ରୁ ଧର୍ମଗଡ ଉପଜିଲ୍ଲାପାଳ ଙ୍କ କାର୍ଯ୍ୟାଳୟ ନିକଟରେ ମଧ୍ୟ ଅମଲା ମାନେ ଆନ୍ଦୋଳନ କୁ ଓଲ୍ହାଇଛନ୍ତି। ଧର୍ମଗଡ ଉପଖଣ୍ଡ ରେ ପ୍ରାୟ ୧୫୦ ଅମଲା ବିଭିନ୍ନ ସରକାରୀ କାର୍ଯ୍ୟାଳୟ ରେ କାର୍ଯ୍ୟରତ ଅଛନ୍ତି। ଆଜି ଆନ୍ଦୋଳନ ଯୋଗୁଁ ଧର୍ମଗଡ ର ତହସିଲଦାର କାର୍ଯ୍ୟାଳୟ, ଉପଜିଲ୍ଲାପାଳ ଙ୍କ କାର୍ଯ୍ୟାଳୟ, ବ୍ଲକ କାର୍ଯ୍ୟାଳୟ, ଶିଶୁ ବିକାଶ ପ୍ରକଳ୍ପ କାର୍ଯ୍ୟାଳୟ, ଭଳି ବିଭିନ୍ନ ସରକାରୀ କାର୍ଯ୍ୟାଳୟ ଖାଁ ଖାଁ, ଚୌକି ଅଛି କିନ୍ତୁ ଅମଲା ନାହାନ୍ତି। ଯାହାରୀ ଫଳରେ ବିଭିନ୍ନ କାର୍ଯ୍ୟ ବାଧାପ୍ରାପ୍ତ ହେଉଛି। ଓଡିଶା ରାଜ୍ୟ ଅମଲା ସଙ୍ଘ ର ନିର୍ଦେଶ କ୍ରମେ ଧର୍ମଗଡ ଉପଖଣ୍ଡ ଅମଲା ସଙ୍ଘର ସମସ୍ତ ସଦସ୍ୟ ଆନ୍ଦୋଳନ କୁ ଓଲ୍ହାଇଛନ୍ତି। ସେମାନଙ୍କ ଦାବୀ ଗୁଡିକ ମଧ୍ୟରେ ଅମଲା ମାନଙ୍କ ମୂଳ ଦରମା ଓଆରଏସପି ୨୦୧୭ ଅନୁସାରେ ଲେଭେଲ ୯ କୁ ବୃଦ୍ଧି, ନୂତନ ପଦବୀ ସୃଷ୍ଟି ସହିତ ପଦବୀ ପୁନର୍ଗଠନ, ରେସିଡେନ୍ସି ପିରିଅଡ ୬ ବର୍ଷ ବଦଳରେ ୪ ବର୍ଷ, ନୂତନ ପେନସନ ଯୋଜନା କୁ ରଦ୍ଧ କରି ପୁରାତନ ପେନସନ ଯୋଜନା ରେ ଅନ୍ତର୍ଭୁକ୍ତ, ରାଜ୍ୟରେ କାର୍ଯ୍ୟରତ ସରକାରୀ କର୍ମଚାରୀ ଙ୍କୁ ୨୦ ଲକ୍ଷ ପର୍ଯ୍ୟନ୍ତ ସ୍ୱାସ୍ଥ୍ୟ ବୀମା ମଞ୍ଜୁର କରିବା ସମେତ ଅନେକ ଗୁଡ଼ାଏ ଦାବୀ ରହିଛି। ଏହି ଆନ୍ଦୋଳନ ରେ ସଙ୍ଘ ର ମନୋଜ କୁମାର ଠାକୁର, ଧବଳେଶ୍ୱର ବେହେରା, ଗୋପାଳ ଚନ୍ଦ୍ର ମେହେର, କ୍ରିଷ୍ଣା ମୋହନ ପଣ୍ଡା, ମନୋଜ ମେହେର, ତନ୍ମୟ କୁମାର ପଣ୍ଡା, ସତ୍ୟ ବାନ ନାଏକ, ବିଜୁ ବେମାଲ, ରଞ୍ଜନ ରାଉତ, ଅମୀୟ ପ୍ରଧାନୀ, ଉମେଶ ଚନ୍ଦ୍ର ମାଝୀ, ପ୍ରବଣ ଶବର, ପ୍ରାଣବନ୍ଧୁ ଶବର, କବିତା ମିଶ୍ର, ମିତାଲି ପାଣିଗ୍ରାହୀ, ସୋମ୍ୟା ମେହେର, ପ୍ରିୟଙ୍କା ମହାନ୍ତି ସମେତ ସମସ୍ତ ଅମଲା ମାନେ ଉପସ୍ଥିତ ଥିଲେ। ପ୍ରକାଶ ଥାଉ କି ଗତ ୮ ତାରିଖ ଦିନ ରାଜସ୍ବ ଅମଲା ମାନେ ନିଜ ନିଜ ଅଧିକାରୀ ମାନଙ୍କୁ ସମୂହ ଛୁଟି ଦରଖାସ୍ତ ପ୍ରଦାନ କରିଥିଲେ। ଯେତେଦିନ ପର୍ଯ୍ୟନ୍ତ ରାଜ୍ୟ ସରକାର ଦାବୀ ପୂରଣ ନ କରି ବିଜ୍ଞପ୍ତି ପ୍ରକାଶ ନ କରନ୍ତି ସେତେଦିନ ପର୍ଯ୍ୟନ୍ତ ଆନ୍ଦୋଳନ ଜାରୀ ରହିବ ବୋଲି କହିବା ସହିତ ଏହି ଆନ୍ଦୋଳନ ସମୟରେ ଜନସାଧାରଣ ଙ୍କ ଯାହା ସବୁ ଅସୁବିଧା ହେବ ସେଥିପାଇଁ ସରକାର ଦାଈ ରହିବେ ବୋଲି ସଂଘ ର କର୍ମକର୍ତ୍ତା ଚେତାବନୀ ଦେଇଛନ୍ତି।

ଧର୍ମଗଡ଼ରୁ ଭରତ ଦାସଙ୍କ ରିପୋର୍ଟ ସତ୍ୟଯୁଗ ମିଡ଼ିଆ