ଧର୍ମଗଡ଼ (ସତ୍ୟଯୁଗ ମିଡିଆ ଏକ ନୂଆଁ ଦିଗନ୍ତ ନ୍ୟାୟ ଓ ସତ୍ୟ ପାଇଁ): ଧର୍ମଗଡ଼ ଉପଖଣ୍ଡ ଅନ୍ତର୍ଗତ ଦେଭୋଗ ଡାକ୍ତରଖାନାକୁ ଚିକିତ୍ସା ପାଇଁ ଯାଇଥିବା ଜଣେ ବୃଦ୍ଧା ନିଖୋଜ ହୋଇଥିବା ଘଟଣା ସାମ୍ନାକୁ ଆସିଛି। ନିଖୋଜ ବୃଦ୍ଧା ହେଉଛନ୍ତି ଶ୍ରୀମତୀ କଲାବତି ପ୍ରଧାନ (୬୨), ଯିଏ ଛତିଶଗଡ଼ର ଦେଭୋଗ ଥାନା ଅଧୀନ ଅଡାପଦର ଗ୍ରାମ ଏବଂ ଖଜୁରପଦର ଗ୍ରାମ ପଞ୍ଚାୟତର ବାସିନ୍ଦା। ସୂଚନା ଅନୁସାରେ, ଗତ ୩ ଜୁଲାଇ ୨୦୨୫ରେ କଲାବତି ତାଙ୍କ ସମ୍ପର୍କୀୟ ପୁତୁରା ନରସିଂହ ପ୍ରଧାନଙ୍କ ସହ ଚିକିତ୍ସା ପାଇଁ ଦେଭୋଗ ଡାକ୍ତରଖାନାକୁ ଯାଇଥିଲେ। ଚିକିତ୍ସା ପରେ ନରସିଂହ ଔଷଧ ଆଣିବା ପାଇଁ ନିକଟସ୍ଥ ଔଷଧ ଦୋକାନକୁ ଗଲେ। ଫେରିବା ପରେ ସେ ଦେଖିଲେ ଯେ କଲାବତି ସେଠାରେ ନାହାନ୍ତି। ତାଙ୍କୁ ଖୋଜାଖୋଜି କରାଯାଇଥିଲେ ମଧ୍ୟ କୌଣସି ସନ୍ଧାନ ମିଳିନଥିଲା। କେହି କେହି କଲାବତିଙ୍କୁ ଧର୍ମଗଡ଼ ଆଡ଼କୁ ଯାଉଥିବା ଦେଖିଥିବା ସୂଚନା ଦେବା ପରେ, ଧର୍ମଗଡ଼ର ଗୋଲେଇ ଛକ ଏବଂ ଆଖପାଖ ଅଞ୍ଚଳରେ ମଧ୍ୟ ଖୋଜାଖୋଜି କରାଯାଇଥିଲା, କିନ୍ତୁ ତାଙ୍କର କୌଣସି ପତ୍ତା ମିଳିନାହିଁ। ତାଙ୍କ ସମ୍ପର୍କୀୟ ପୁତୁରା ନରସିଂହ ପ୍ରଧାନ ସମସ୍ତଙ୍କୁ ବିନମ୍ର ନିବେଦନ କରିଛନ୍ତି ଯେ, ଯଦି କେହି ସହୃଦୟ ବ୍ୟକ୍ତି କଲାବତିଙ୍କୁ ଦେଖନ୍ତି କିମ୍ବା ତାଙ୍କ ସମ୍ପର୍କରେ କୌଣସି ସୂଚନା ପାଆନ୍ତି, ତେବେ ମୋବାଇଲ ନମ୍ବର ୯୨୦୨୭୮୦୭୭୬ରେ ଯୋଗାଯୋଗ କରନ୍ତୁ। ଏହି ଘଟଣା ପରିବାର ତଥା ସମ୍ପର୍କୀୟଙ୍କ ମଧ୍ୟରେ ଚିନ୍ତାର କାରଣ ସୃଷ୍ଟି କରିଛି।
ଧର୍ମଗଡ଼ରୁ ଭରତ ଦାସଙ୍କ ରିପୋର୍ଟ ସତ୍ୟଯୁଗ ମିଡିଆ।
About the Author
