ଧର୍ମଗଡ଼ ବସ୍ତିପଡ଼ା ଖଳିଆବନ୍ଧର ଉନ୍ନତି ଓ ରାସ୍ତା ଅବରୋଧ ସମ୍ବନ୍ଧେ ଉପ-ଜିଲ୍ଲାପାଳଙ୍କୁ ଅଭିଯୋଗ

ଧର୍ମଗଡ଼ (ସତ୍ୟଯୁଗ ମିଡିଆ ଏକ ନୂଆଁ ଦିଗନ୍ତ ନ୍ୟାୟ ଓ ସତ୍ୟ ପାଇଁ) ଧର୍ମଗଡ଼ ବସ୍ତିପଡ଼ାର ଖଳିଆବନ୍ଧର ଉନ୍ନତି ଏବଂ ରାସ୍ତା ଅବରୋଧ ସମସ୍ୟାକୁ ନେଇ ସ୍ଥାନୀୟ ବାସିନ୍ଦାମାନେ ଉପ-ଜିଲ୍ଲାପାଳଙ୍କ ନିକଟରେ ଏକ ଅଭିଯୋଗ ଦାଖଲ କରିଛନ୍ତି। ସୌମ୍ୟ ରଞ୍ଜନ ନାୟକଙ୍କ ନେତୃତ୍ୱରେ ଏହି ଅଭିଯୋଗ ଦାଖଲ କରାଯାଇଛି, ଯେଉଁଥିରେ ୱାର୍ଡ ନଂ ୬ର କାଉନସିଲର ମୁନୀ ରାମ ମାଝୀ, ଭବାନୀ ନାୟକ, ହେମନ୍ତ ମାଝୀ, ମନମୋହନ ନାୟକ, ଅଂଶୁମାନ ନାୟକ, ପ୍ରତାପ ନାୟକ, ପ୍ରଦୀପ ନାୟକ, ମିଳନ ନାୟକ ପ୍ରମୁଖ ଉପସ୍ଥିତ ଥିଲେ। ଅଭିଯୋଗ ଅନୁସାରେ, ବସ୍ତିପଡ଼ାର ପ୍ରାୟ ୬୦୦ରୁ ୭୦୦ ପରିବାର ଖଳିଆବନ୍ଧ ଉପରେ ନିର୍ଭରଶୀଳ। ଏହି ଖଳିଆବନ୍ଧ ନିତିଦିନିଆ କାର୍ଯ୍ୟ ଯଥା ଗାଧୋଇବା ଓ ଦଶାହ କାମ ପାଇଁ ବ୍ୟବହୃତ ହେଉଛି। କିନ୍ତୁ ଏହାର ଉନ୍ନତିର ଅଭାବ ଓ ରାସ୍ତା ନଥିବା ଯୋଗୁଁ, ବିଶେଷତଃ ବର୍ଷା ଦିନରେ ବାସିନ୍ଦାମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଏହା ସହିତ, ଖଳିଆବନ୍ଧ ନିକଟସ୍ଥ ସରକାରୀ ଜମି (ଖାତା ନମ୍ବର-୭, ମୌଜା-ଧର୍ମଗଡ଼, ପ୍ଲଟ ନମ୍ବର-୭୯୫, ୭୯୨, ୭୯୧, ୭୮୭) ଉପରେ କିଛି ବ୍ୟକ୍ତି ଅନଧିକାର ଦଖଲ ଓ ରାସ୍ତା ଅବରୋଧ କରୁଥିବା ଅଭିଯୋଗ ହୋଇଛି। ବାସିନ୍ଦାମାନେ ଏହି ସରକାରୀ ଜମିରେ ରାସ୍ତା ନିର୍ମାଣ ଏବଂ ଅବରୋଧକାରୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ପାଇଁ ଉପ-ଜିଲ୍ଲାପାଳଙ୍କୁ ଅନୁରୋଧ କରିଛନ୍ତି। ଏହି ପଦକ୍ଷେପ ନେଇ ବାସିନ୍ଦାମାନେ ଆଶା ରଖିଛନ୍ତି ଯେ ସମସ୍ୟାର ସମାଧାନ ହେବ ଏବଂ ସେମାନେ ଉପ-ଜିଲ୍ଲାପାଳଙ୍କ ନିକଟରେ ଚିରକୃତଜ୍ଞ ରହିବେ।

ଧର୍ମଗଡ଼ରୁ ଭରତ ଦାସଙ୍କ ରିପୋର୍ଟ ସତ୍ୟଯୁଗ ମିଡିଆ