ଧର୍ମଗଡ଼( ସତ୍ୟଯୁଗ ମିଡିଆ ଏକ ନୂଆଁ ଦିଗନ୍ତ ନ୍ୟାୟ ଓ ସତ୍ୟ ପାଇଁ) ଲଘୁଚାପଜନିତ ଝିପଝିପ ବର୍ଷା ସତ୍ତ୍ୱେ, ଧର୍ମଗଡ଼ ବିଧାୟକ ସୁଧୀର ରଞ୍ଜନ ପଟ୍ଟଯୋଶୀ ଜନସେବା ଓ କର୍ତ୍ତବ୍ୟନିଷ୍ଠାର ସହ ନିଜ ନିର୍ବାଚନ ମଣ୍ଡଳୀରେ ଜନ ସମ୍ପର୍କ ଯାତ୍ରା ଜାରି ରଖିଛନ୍ତି। ମଙ୍ଗଳବାର ସକାଳେ ସେ ଧର୍ମଗଡ଼ ବ୍ଲକର ବଡ଼ଘୁମର ଓ ପର୍ଲା ପଞ୍ଚାୟତର ବିଭିନ୍ନ ଗ୍ରାମ ପରିଦର୍ଶନ କରି ସ୍ଥାନୀୟ ଜନସାଧାରଣଙ୍କ ସହ ଆଲୋଚନା କରିଥିଲେ। ଏହି ଯାତ୍ରାରେ ସେ ଗାଁର ସମସ୍ୟା, ଚାଷୀଙ୍କ ଅସୁବିଧା, ପାନୀୟ ଜଳ, ଗମନାଗମନ, ଶିକ୍ଷା ଓ ସ୍ୱାସ୍ଥ୍ୟ ସେବା ଆଦି ବିଷୟରେ ଗ୍ରାମବାସୀଙ୍କ ମତାମତ ଶୁଣିଥିଲେ। ବିଧାୟକ ଘଟଣାସ୍ଥଳରୁ ବିଭାଗୀୟ ଅଧିକାରୀଙ୍କ ସହ ଫୋନ୍ରେ ଯୋଗାଯୋଗ କରି ସମସ୍ୟାଗୁଡ଼ିକର ଶୀଘ୍ର ସମାଧାନ ପାଇଁ ନିର୍ଦ୍ଦେଶ ଦେଇଥିଲେ। ସେ କହିଥିଲେ ଯେ, ମୋହନ ସରକାର ହେଉଛି ଜନତାଙ୍କ ସରକାର ଏବଂ ଲୋକଙ୍କ ସମସ୍ୟା ନିଶ୍ଚିତ ଭାବେ ସୁଶାସନ ମାଧ୍ୟମରେ ସମାଧାନ ହେବ। ଏହି ଯାତ୍ରାରେ ବିଧାୟକ ଖୁଟୁଲୁଗୁଡ଼ା, ସେମଲା, ବେଳପଡ଼ା, ଘୁମର, ଆମଗୁଡ଼ା, ଲଛିପୁର, ସିନାପଡ଼ା, କଦଲିମୁଣ୍ଡା, ହାତୀପଖାନ, ପର୍ଲା ଓ ଚିତାମୁଣ୍ଡା ଗ୍ରାମ ପରିଦର୍ଶନ କରି ସ୍ଥାନୀୟ ସମସ୍ୟା ନେଇ ଆଲୋଚନା କରିଥିଲେ। ଏହି ଜନ ସମ୍ପର୍କ ଯାତ୍ରାରେ ପର୍ଲା ମଣ୍ଡଳ ସଭାପତି ଅଭୟ ମେହେର, ଧର୍ମଗଡ଼ ନଗର ମଣ୍ଡଳ ସଭାପତି ସୌରଭ ମିତ୍ତଲ, ହିମାଂଶୁ ପଣ୍ଡା, ରାଜ୍ୟ ପରିଷଦ ସଦସ୍ୟ ଅପ୍ରେସ ସ୍ୱାଇଁ, ପୂର୍ବତନ ନଗର ମଣ୍ଡଳ ସଭାପତି ହେମନ୍ତ କୁମାର ମାଝୀ ଓ ବିଜେପି କର୍ମକର୍ତ୍ତାମାନେ ସାମିଲ ହୋଇ ସ୍ଥାନୀୟ ସମସ୍ୟା ସମ୍ପର୍କରେ ବିଧାୟକଙ୍କୁ ଅବଗତ କରାଇଥିଲେ ।
ଧର୍ମଗଡ଼ରୁ ଭରତ ଦାସଙ୍କ ରିପୋର୍ଟ ସତ୍ୟଯୁଗ ମିଡିଆ
About the Author
13 thoughts on “ଧର୍ମଗଡ଼ ବିଧାୟକଙ୍କ ଜନ ସମ୍ପର୍କ ଯାତ୍ରା: ଗାଁର ସମସ୍ୟା ସମାଧାନ ପାଇଁ ଉଦ୍ୟମ”
Comments are closed.