ଧର୍ମଗଡ (ସତ୍ୟଯୁଗ ମିଡିଆ ଏକ ନୂଆଁ ଦିଗନ୍ତ ନ୍ୟାୟ ଓ ସତ୍ୟ ପାଇଁ): ଗୋଲାମୁଣ୍ଡା ବ୍ଲକରେ ପ୍ରାଥମିକ ଶିକ୍ଷକ ସଂଘ ତରଫରୁ ୟୁଏଏସ (ୟୁନିଫାଏଡ୍ ଏଟେଣ୍ଡଡେନ୍ ସିଷ୍ଟମ୍) ବାତିଲ ଦାବିରେ ଗୋଷ୍ଠୀ ଶିକ୍ଷା ଅଧିକାରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ଶିକ୍ଷକମାନେ ଅଭିଯୋଗ କରିଛନ୍ତି ଯେ ବିଦ୍ୟାଳୟଗୁଡିକରେ ଆବଶ୍ୟକୀୟ ଭିତ୍ତିଭୂମି ନଥାଇ ୟୁଏଏସ ଲାଗୁ କରିବା ସରକାରୀ ବିଭାଗର ଦୂରଦୃଷ୍ଟିର ଅଭାବକୁ ପ୍ରତିଫଳିତ କରୁଛି। ଏହି ପରିପ୍ରେକ୍ଷୀରେ କଳାହାଣ୍ଡି ଜିଲ୍ଲା ପ୍ରାଥମିକ ଶିକ୍ଷକ ସଂଘ ଏହାକୁ ବିରୋଧ କରି ଆନ୍ଦୋଳନରେ ସାମିଲ ହୋଇଛନ୍ତି। ଶିକ୍ଷକ ସଂଘର ଦାବିଗୁଡିକ ମଧ୍ୟରେ , ୟୁଏଏସ ବ୍ୟବସ୍ଥାକୁ ସମ୍ପୂର୍ଣ୍ଣ ଭିତ୍ତିଭୂମି ଓ ପ୍ରଧାନ ଶିକ୍ଷକ ତଥା ଅନ୍ୟାନ୍ୟ ଶିକ୍ଷକ ପଦବୀ ପୂରଣ ନହେବା ଯାଏଁ ସ୍ଥଗିତ ରଖିବା। ପ୍ରାଥମିକ ଶିକ୍ଷକମାନଙ୍କୁ ବିନା ଓଟିଇଟି ପରୀକ୍ଷାରେ ପଦୋନ୍ନତି ପ୍ରଦାନ। କେନ୍ଦ୍ରୀୟ ହାରରେ ପ୍ରାଥମିକ ଶିକ୍ଷକମାନଙ୍କୁ ଦରମା ପ୍ରଦାନ। ପ୍ରାଥମିକ ବିଦ୍ୟାଳୟରେ ନିୟୋଜିତ ଠିକା ଶିକ୍ଷକମାନଙ୍କୁ ନିୟମିତ କରିବା ଦାବି ଗୁଡିକ ପ୍ରମୁଖ ରହିଛି। ଦାବିପତ୍ର ପ୍ରଦାନ ସମୟରେ ସଂଘର ସଭାପତି ରମେଶ କୁମାର ସାହୁ, ସଂପାଦକ ସୁନୀଲ ଖାନସମା, କୋଷାଧ୍ୟକ୍ଷ ପୂର୍ଣ୍ଣ ପୁଝାରୀ, କନିଷ୍ଠ ଶିକ୍ଷକ ସଂଘର ସଭାପତି ଲଲାତେନ୍ଦୁ ରାଉତ, ଶିକ୍ଷକ ଶିବ ସୁନାନୀ, ଗମ୍ଭୀରୀ ନାଏକ, ତରଙ୍ଗ ଚଣ୍ଡି, ମୋହନ ବିଶୀ ପ୍ରମୁଖ ଉପସ୍ଥିତ ଥିଲେ। ଶିକ୍ଷକମାନେ ଦେଶର ଭବିଷ୍ୟତ ଗଢିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ବେଳେ, ସେମାନଙ୍କ ଅଧିକାର ଓ ସୁବିଧା ନିଶ୍ଚିତ କରିବା ପାଇଁ ସରକାରଙ୍କୁ ତୁରନ୍ତ ପଦକ୍ଷେପ ନେବାକୁ ସଂଘ ଦାବି କରିଛି।
ଧର୍ମଗଡ଼ରୁ ଭରତ ଦାସଙ୍କ ରିପୋର୍ଟ ସତ୍ୟଯୁଗ ମିଡିଆ
About the Author
13 thoughts on “ପ୍ରାଥମିକ ଶିକ୍ଷକ ସଂଘ ତରଫରୁ ୟୁଏଏସ ବାତିଲ ଦାବିରେ ଗୋଷ୍ଠୀ ଶିକ୍ଷା ଅଧିକାରୀଙ୍କୁ ଦାବିପତ୍ର”
Comments are closed.